amalinks wokungena

Breaking News

Selikhwelile Laya Ku512 Inani Lasebebanjwe iCoronavirus eZimbabwe


Kulabantu abangamatshumi amabili lantathu, 23, ababanjwe umkhuhlane weCoronavirus izolo.

Lokhu kubangele ukuthi inani lasebefunyenwe belomkhuhlane lo eZimbabwe likhuphuke lisuka ku489 liye ku512.

Ugatsha lwezempilakahle luthi phakathi kwababanjwe umkhuhlane lo, abangamatshumi amabili lanye ngabavele kweleSouth Africa kuthi ababili kuphela bawuthole elizweni.

Asebefile bayisithupha njalo asebesindile bangamatshumi ayisithupha lane, 64.

Inani labantu ababanjwa lumkhuhlane kulezinsuku likhuphuka mihla ngemihla njalo abanengi babo ngabavela kweleSouth Africa.

Idolobho leHarare yilo elikhokhelayo ngabantu abangu184 asebebanjwe iCoronavirus lilandelwa ngelakoBulawayo elile64, kuzobuya iMasvingo ele53.

Kuzinga lesine kuleMashonaland East ele47 ilandelwa yisabelo seMatabeleland South sona esilabantu abangu46.

Kodwa izakhamizi zithi inani labalomkhuhlane lo kulesisigaba lingaba liphezu kwaleli elikhulunywa nguhulumende.

Umeli weMatabeleland South edale lephalamende uNkosazana Lindiwe Maphosa utshele iStudio 7 ukuthi indlala yenza umumo weCoronavirus ube mubi ngamandla kulumango.

please wait

No media source currently available

0:00 0:03:15 0:00

Facebook Forum

XS
SM
MD
LG