amalinks wokungena

Breaking News

'Umnotho weZimbabwe Ubulawa Yizikhohlakali zeZanu PF, Hatshi Yizitha Zelizwe'


UMongameli Emmerson Mnangagwa esemkhosini wokukhankasela ukwesulwa kwezijeziso eNational Sports Stadium

Lanxa uMongameli Emmerson Mnangagwa esithi umnotho weZimbabwe ubulawa yizitha ezifuna ukumkhipha embusweni, amabandla aphikisayo athi okubulala umnotho yimisebenzi yenkohlakalo enziwa yiziphathamandla zikahulumende kaMnangagwa.

Ekhuluma emngcwabeni kaMnu Stanley Nleya eNational Heros Acre izolo uMnangagwa uxwayise labo athi badiliza umnotho ukuthi betshiyane lalumkhuba.

Kodwa abamabandla aphikisayo bathi ukubotshwa kukamphathintambo wezempilakahle uMnu Obadiah Moyo lezinye iziphathamandla zebandla leZanu PF esikhathini esedluleyo kuveza sobala ukuthi ingqungquthela zenkohlakalo ebulala umnotho zikubandla elibusayo.

Umkhokheli webutho uMnu Phillip Valerio Sibanda laye uchothoze ezinye iziphathamandla zeZanu PF esithi zikhohlakele.

Udaba olusegudwini kulezinsuku ngolwenkampani yeDrax International, oluyilo olwabophisa uMoyo. Linkampani ibikwa ilobudlelwano lomndeni kaMnangagwa.

Kodwa akalulokothi loludaba yena uMongameli Mnangagwa.

Ilunga leMDC Alliance uMnu Edwin Ndlovu uthi okwenza uMnangagwa engakhulumi ngaloludaba yikuthi uyakwazi ukuthi uhulumende wakhe ugcwele izikhahlakali.

please wait

No media source currently available

0:00 0:01:02 0:00

Kodwa ilunga leZanu PF uMnu Believe Gaule ukulandule lokhu esithi umnotho ubulawa yizitha zikaMnangagwa lebandla lakhe.

please wait

No media source currently available

0:00 0:01:15 0:00

Facebook Forum

XS
SM
MD
LG