amalinks wokungena

Breaking News

Ukukhwela Kwentengo Kudlisa Uzulu Ingqweqwe Zomlomo


Ukukhuphuka kwentengo yempahla ezitolo kanye leyamafutha ezimota sokuthwalise abanengi amagabha avuzayo.

Intengo yokudla okubalisa amafutha okupheka, i-rice, itshukela, izitshebo, lokunye okunengi-nengi ikhuphuke ngokuphindwe kabili.

Lokhu kutshiye uzulu ovele ethwele nzima engasakwazi ukuthi ebambe ngaphi.

Isiphathamandla senhlanganiso yeBulawayo Progressive Residents Association uMnu Thembelani Dube uthi okwenza umumo ube mubi ngamandla yikuthi imali ayitholakali emabhanga kulabo abafuna ukuthenga impahla lezi phandle ngentengo engcono.

please wait

No media source currently available

0:00 0:02:45 0:00

Kusenjalo, uhulumende uthi imali ayithembisa izisebenzi zakhe, iUS$75, phezu kweholo lazo okwenyanga ezintathu ezilandelayo, izathatha isikhathi ukuthi izisebenzi ziyithole ngoba kukhona okusalungiswa.

Uhulumende wathi izisebenzi zakhe zonke zizayithola limali kungakhathalekile ukuthi zivele zihola malini.

Kodwa ziyabe zingasoze ziyiphiwe ezandleni ngoba izafakwa emakhadini emabhanga lapho izisebenzi ezimele zivule ama-accounts khona.

Inhlanganiso emela ababalisi bemaphandleni iAmalgamated Rural Teachers Union of Zimbabwe ike yatshengisela kuliviki eMasvingo isithi ifuna ababalisi baholiswe imali ephezu kwamadola angamakhulu amahlanu emelika, iUS$520.

Isikhulumeli salinhlanganiso uMnu Nation Mudzitirwa utshele iStudio 7 ukuthi ababalisi bathukuthele ngokwala kukahulumende ukubahlawula ngemali yeMelika.

please wait

No media source currently available

0:00 0:01:53 0:00

Izisebenzi zikahulumende ezinengi lazo zithi kumele ziholise ngedola leMelika.

Sikhuluma nje abongi, odokotela kanye lezinye izisebenzi zogatsha lwezempilakahle ziphakathi kokukhalala umsebenzi lanxa uhulumende ezengezelele iholo ngesilinganiso samatshumi amahlanu ekhulwini, 50 percent, wazipha leUS$75 phezulu.

Zithi ayithengi lutho limali. Unobhala jikelele weZCTU uMnu Japhet Moyo uthi uhulumende engekela ukulalela izikhalazo zakhe, zilakho ukumvukela.

please wait

No media source currently available

0:00 0:02:13 0:00

XS
SM
MD
LG