amalinks wokungena

Breaking News

'Lanxa Sokutheni Sizatshengisela Kuphela Mhlaka 31 Kulinyanga'


Abaqoqa ukutshengisela ekupheleni kwalinyanga mhlaka 31 besola uhulumende phezu kwenkohlakalo bathi bazaqhubeka ngohlelo lwabo kungelani lokuthi uMongameli Emmerson Mnangagwa usungule uhlelo lokulwisana leCorruption ngoMgqibelo.

Omunye wabo, uMnu Jacob Ngarivhume, okhokhela ibandla leTransform Zimbabwe uthi njalo ukutshengisela lokhu kuzaqhubeka lanxa uhulumende engala ukubapha imvumo.

UMnangagwa usungule uhlelo athi ngolokulwisana lenkohlakalo ngoMgqibelo olubizwa ngokuthi yi‘National Anti-Corruption Strategy.

UMnangagwa uthe kumele kubotshwe wonke amasela amakhulu lamancane.

Uphinde wasola insakavukela yokubotshwa kweziphathamandla zikahulumende kodwa ziphinde zikhululwe, i-catch and release ngesingisi.

Ucele abezombusazwe bonke kanye labenhlangothi ezizimeleyo ukuthi baphatheke kumizamo yokulwisana le-corruption.

Abanye bathi ngokwethula loluhlelo, uMnangagwa uzama ukuthabisa abantu ukuthi bengaphatheki ekutshengiseleni okuzakwenziwa mhlaka 31.

Ingcwethi kwezenotho uMnu Reggie Shoko utshele iStudio 7 ukuthi kungumlandu womuntu wonke ukulwisana lenkohlakalo ngoba umkhuba lo usubhahe kunhlangothi zonke zempilo elizweni.

please wait

No media source currently available

0:00 0:03:23 0:00

Facebook Forum

XS
SM
MD
LG