amalinks wokungena

Breaking News

Selikhwele Laya Ku-1089 Inani Labantu Asebebanjwe Umkhuhlane weCoronavirus eZimbabwe


Inani labantu asebebanjwe umkhuhlane weCoronavirus eZimbabwe likhwelile njalo izolo laya kunkulungwane elamatshumi phose ayisitshiyangalolunye, 1089, ngemva kokufunyanwa kwabantu abalitshumi lambili belawo.

Ugatsha lwezempilakahle luthi abathathu babantu laba ngabavele kweleSouth Africa kuthi abangamatshumi amabili lambili ngabathole lumkhuhlane elizweni.

Asebefile balokhu bengamatshumi amabili njalo asebesindile labo balokhu bengamakhulu phose amane, 395.

IJohn Hopkins University ithi emhlabeni jikelele umkhuhlane lo usubulele abantu abangu-581,000 njalo wahlasela abedlula kancane izigidi ezilitshumi lantathu, 13,4 million.

Umanyano weAfrican Union wona uthi eAfrica sokufe abantu abedlula inkulungwane ezilitshumi lantathu, 13,238. Asebebanjwe lumkhuhlane kulelizwekazi bona bangu-594,841.

Facebook Forum

XS
SM
MD
LG