amalinks wokungena

Breaking News

Bangu-133 Ababanjwe Umkhuhlane weCoronavirus eZimbabwe Izolo


Inani labantu asebebanjwe umkhuhlane weCovid-19 eZimbabwe likhwelile izolo laya ku1611 ngemva kokufunyanwa kwabantu abedlula ikhulu lamatshumi amathathu, 133, belomkhuhlane lo.

Ugatsha lwezempilakahle luthi abalitshumi lasikhombisa babantu laba ngabavele kweleSouth Africa kuthi abalikhulu eliletshumi lasiphupha, 116, ngabathole isifo lesi phakathi eZimbabwe.

Abafunyanwe sebesindile kulumkhuhlane njalo izolo bangamatshumi amathathu. Lokhu kukhuphule inani lasebesilile laya ku-472.

Asebefile balokhu bengamatshumi amabili lanhlanu. Idolobho lakoBulawayo yilo elikhokhelayo ngenani labantu asebehlaselwe ngumkhuhlane lo abangu-483 kanye lasebefile abalitshumi lambili.

Lilandelwa ngeleHarare lona elilabantu abangu-465 asebebanjwe iCoronavirus kanye labayisitshiyangalombili asebefile.

UMongameli Emmerson Mnangagwa ukhangelelwe ukwethula iziqondiso eziqinisa uhlelo lokuvalwa kwelizwe emizameni yokwenqabela ukumemetheka kwalumkhuhlane yiloba nini.

Kodwa isiphathamandla senhlanganiso esebenza lozulu wemaphandleni ikakhulu eLupane eyeRural Communities Empowerment Trust uMnu Vumani Ndlovu utshele iStudio 7 ukuthi uhulumende kumele aphume lenhlelo zokuphathisa uzulu ukuze uhlelo lokuvalwa kwelizwe luphumelele.

please wait

No media source currently available

0:00 0:03:32 0:00

Facebook Forum

XS
SM
MD
LG