amalinks wokungena

Breaking News

UShiri Ubulewe yiCovid 19, Kutsho uMnangagwa Ephethe Incwadi Kadokotela Emfeni Yomuyi


Umongameli Emmerson Mnangagwa (Columbus Mavhunga/VOA)

UMongameli Emmerson Mnangagwa izolo, ephethe incwadi athi ivela kudokotela, uveze ukuthi obengumphathintambo wezokulima uMnu Perrence Shiri ubulewe ngumkhuhlane weCoronavirus.

Le yinto ebivele inakanelwa ngabanye ngoba umtshayeli kaShiri laye ubikwa ebulewe ngumkhuhlane lo kunsukwana ezedluleyo.

UMnangwana utshele abantu ekade besesililweni endlini kaShiri ukuthi uzabekwa eNational Heros Acre namuhla kulandelwa iziqondiso zokuvimba ukumemetheka kweCovid-19 ezabekwa yiWorld Health Organization.

Abanye kuZanu PF bebesithi uShiri wafakelwa ekudleni. Yena ngokwakhe uMnangagwa wake wagula ngesikhathi sombuso kaMnu. Robert Mugabe with wayefakelwe itshefu.

Isikhulumeli sikahulumende uMnu Nick Mangwana, kumbiko awethule kuTwitter, uthe umngcwabo uzaqala ngehola letshumi lambili emini uphele ngehola lesibili. Uthe njalo kuzaba labantu abaphansi kwamatshumi amahlanu emngcwabeni lo. Lanxa uMongameli Mnangagwa esithi eleZimbabwe lilahlekelwe kakhulu, abanye ikakhulu eMatabeleland laseMidlands bathi bayajabula ngokubhubha kukaShiri ngoba nguye owayekhokhela umbuqazwe weGukurahundi wona owabulalisa abantu abanengi kuzabelo zombili. UNtungamili Nkomo weStudio 7 ubuze ingcwethi ecubungula ezombusazwe uMnu Brilliant Mhlanga ukuthi njengoba sokufe isiphathamandla sikahulumende ngeCovid-19, singabona yini uhulumende eqinisa imizamo yakhe yokulwisana lalumkhuhlane.

please wait

No media source currently available

0:00 0:03:17 0:00


Facebook Forum

XS
SM
MD
LG