Umthethwandaba wako Bulawayo usunqume ukuba inkampani eboleka uzulu izimota, eye Impala ukuthi iveze iminingwane yohambo lwemota ecatshangelwa ukuthi yasetshenziswa ukuthumba osakhulayo, uTawanda Muchehiwa.
UMuchehiwa wathunjwa ngabantu ababesezimoteni ezinhlanu enye yakhona yatholakala ukuthi ngeyenkampani ye Impala.
Inkampani ezeboleka abantu izimota zilemitshina yalezinsuku eveza ukuthi umuntu utshayele waqonda ngaphi ngasiphi isikhathi lokunye okunengi nengi.
Kodwa iziphathamandla ze Impala zala ukuve ulwazi lolu zisithi lanxa zilalo azisoze ziluveze.
Ngalokho amagqwetha ka Muchehiwa owahlukuluzwa watshaywa kabuhlungu okwamalanga amathathu ngababemthumbeli basa loludaba emthethwandaba.
UMchehiwa wathunjwa phambilini kombhikitsho owawuqoqwe ukuthi uzenziwa ekupheleni kwenyanga kaNtulikazi kodwa awusaphumelelanga waze wavezwa ngemva kokuba umththwandaba unqume ukuba kumele abonakale kungakedluli amalanga amathathu.
Sixoxe lelinye lamagqwetha kaMuchehiwa, uMnu. Nqobani Sithole ukuze sizwe okunengi ngaloludaba.
