amalinks wokungena

Breaking News

Ibandla leMthwakazi Lithi Lizaphathisa Osakhulayo Owadutshulwa Ngonogada Bomngane kaMnangagwa


UMnu. Mqondisi Moyo Umkhokheli webandla le Mthwakazi Republic Party.

Osakhulayo, uAlbert Ncube oweKezi ko Sontala, wadutshulwa emzini wakhe ngabonogada bepulazi eliseduze langakibo ngeMpelasonto.

UNcube ubikwa wayezihlalele ngakibo lomngane wakhe bangenelwa ngabonogada abahlanu baqala ukubatshaya bebethesa icala lokungena epulazini okungnekho emethethweni, uNcube wazama ukubaleka wadutshulwa.

Onogada laba bebesemthevhwandaba ngoMvulo lapo abahlawuliswe imali yesibambiso se bail, $1 500 ngamunye.

UNcube usesibhedlela seBulawayo Central lapho athiwa ulenhlamvu ezimbili emzimbeni wakhe.

Asenelesinga ukukhuluma leziphathamandla zesibhedlela kodwa sixoxe lomkhokheli webandla le Mthwakazi Republic Party, uMnu. Mqondisi Moyo obhambe esibhedlela lesi izolo ukuyabona uNcube.

UMoyo uthi onogada abadubula uNcube basebenzela omunye undoda olobudlelwano lomongameli Emmerson Mnangagwa.

Ngolokho uthi bazalwisa ukubona ukuthi icala labonogada laba alisoze lithanyelelwe phansi kwetafula.

Facebook Forum

XS
SM
MD
LG