amalinks wokungena

Breaking News

Ukuvalela Ejele uJonanna Mambombe Ukuthi Ayehlolwa Ukuthi Uyagula Na Kusolwa Ngabanengi


Unkosazana Joanna Mamombe

Ibandla leMDC Alliance labalwela amalungelo oluntu kanye labamazwe aphetsheya sebesole ukuvalelwa ejele komeli weHarare West edale lephalamende uNkosazana Joanna Mamombe ukuze ahlolwe umkhuhlane wengqondo.

UMamombe labanye bakhe, uNetsai Marova loCecilia Chimbiri betheswa icala lokuqamba amanga ukuthi bathunjwa.

Umantshi unqume izolo ukuthi kumele uMamombe avalelwe okwamaviki amabili lapho azahlolwa ngodokotela bakahulumende. Lokhu kucunule inengi ngoba ubengumuntu othonisiswa evela ngekhaya ngemva kokukhululwa ngemali yesibambiso, ibail.

Umeli weEuropean Union eZimbabwe uMnu Timo Olkkonen uthe kungelani lokuthi uMamombe ulecala kumbe akala, indlela aphathwa ngayo phansi komthetho ayilunganga.

Lawo ngamazwi agcizelelwe ngabanengi abalwela amalungelo enkundleni zokuxhumana. Isinqumo lesi siza ngemva kokuba amagqwetha kaMamombe ecele inkantolo ukuthi idlulisele udaba lwakhe phambili ngoba esithi ingqondo zakhe azikho esimeni sokuthi icala lakhe lingaqala ukuthethwa.

Amagqwetha la athi uMamombe ubemele ahlolwe ngodokotela azikhethele bona hatshi laba abetheswe yinkantolo. Sixoxe lomsekeli wesikhulumeli seMDC Alliance uMnu Felix Magalela Mafa Sibanda.

please wait

No media source currently available

0:00 0:02:19 0:00


Facebook Forum

XS
SM
MD
LG