amalinks wokungena

Breaking News

Izakhamizi zeMatopo Ezabhaxabulwa Ngamapholisa Zithi Umumo Usunganeno


Izakhamizi zits amagodi abembi ayezawela inkomo phakathi.

Izakhamizi zeMatopo ezibikwa zatshaywa ngamapholisa njalo ezinye zayacatsha ezintabeni kungxabano eyaqhamuka lababefuna ukugebha igolide kulindawo zithi sezabuyela emakhaya njalo kusathule.

Ezinye zezakhamizi ezakhuluma leStudio 7 zathi amapholisa ayevikela abemba igolide, okwakuzaphazamisa indawo zamasiko njalo kubangele ukuthi izifuyo ziwele emagodini.

Umphathintambo obona ngezokwethekelelana uMnu. Mangaliso Ndlovu ubikwa esithi isiphathamandla sikahulumende uMnu. Edgar Moyo usanda ukwethekelela kulindawo ngendlela yokuhlola ukuthi abantu abahlukuluzwa.

Lokhu kulandela umhlangano phakathi kwezakhamizi, amapholisa, abekhansili, kanye leziphathamandla zesigaba lapho okwanqunywa ukuthi abemba igolide laba, ababikwa bevela kwezinye izigaba zelizwe besuke njalo amapholisa axolise ngokuhlukuluza izakhamizi.

Okunengi ngaloludaba,asikuzweni kungxoxo uSithandekile Mhlanga weStudio 7 ayiqhube loMnu. Ntando Ndlela isikhulumeli sebandla leMDC Alliance kusigaba seMatabeleland South, elalikulo umhlangano, njalo eliphathisa izakhamizi.

please wait

No media source currently available

0:00 0:03:18 0:00


Facebook Forum

XS
SM
MD
LG