Uhulumende Wethula Amazwi Afana Xathu Lawaqala iGukurahundi Awokuthi Ibandla leMDC Liqoqa Umvukela

Ibandla leMDC Alliance selilandule umbiko owethulwe ngumphathintambo obona ngokuvikelwa kwelizwe uMnu Owen Ncube owokuthi lizama ukugenqula uhulumende ngodlakela lisebenza lamazwe aphetsheya, abenhlanganiso ezizimeleyo labanye asebaxotshwa kuZanu PF abeqembu leG40 abafana loMnu Jonathan Moyo.

UNcube utshele intathelizindaba ngoMvulo ukuthi amazwe la asebenza lezinye izizalwane zakuleli ukungenisa izikhali elizweni ngudlu ukuze baqale impi.

Umbiko ofana lalo wethulwa nguhulumende kaMnu. Robert Mugabe phambilini kombhuqazwe we Gukurahundi.

Uthe njalo ibandla leMDC Alliance liqamba amanga ukuthi kulokukwephulwa kwamalungelo oluntu eZimbabwe lokuthunjwa kwabantu ngoba lifuna amazwe aphetsheya angenele kuleli agenqule uhulumende kaMongameli Emmerson Mnangagwa.

Kodwa uthe abezomvikela abasoze bakuvumele lokhu.

Ibandla leMDC Alliance lona lisole amazwi kaNcube lisithi ajonge ukwethusela abasekeli balo kanti njalo lohulumende udinga isizatho sokuhlasela lelibandla.

Sixoxe lomsekeli wesikhulumeli sabandla leMDC Alliance, uMnu Felix Magalela Mafa Sibanda.

Embed share

Ingxoxo loMnu. Felix Magalela Mafa Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:16 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala