Uhulumende uthi izikolo ezinenig bezivuliwe kusukela kuthange njengalokho obekufanele kwenziwe, ngaphandle kwezimbalwa ebezingelamitshina yama thermometer eyokuhlola abantwana igcikwane leCOVID 19.
Umphathintambo obona ngezokwethulwa kwembiko uNkosikazi Monica Mutsvangwa wethule umbiko lo izolo ngemva komhlangano wedale leCabinet, lapho aqhubeke wathi izikolo ezingalamanzi zivinjelwe ukuvulwa kuze kwakhiwe izibholane.
Kodwa uMnu. Nation Mudzitirwa, isikhulumeli senhlanganiso elwela amalungelo ababalisi bemaphandleni eye Amalgamated Rural Teachers Association of Zimbabwe-ARTU uthi yikuchitha isikhathi ukuvula izikolo khona kungafundwa njengoba inengi lababalisi likhalele umsebenzi.
Utshele uSithandekile Mhlanga weStudio 7 ukuthi ukuvumela abanye abantwana befunda abanye bengafundi yikwephula isisekelo sombuso.