amalinks wokungena

Breaking News

Umkambo Wemali Umisa Ukukhwela Kwentengo Ezitolo Kodwa Lokhu Kulobunzima Elizweni


Balayinele imali ebhanga.

Sokuqhamuke imbono ehlukeneyo ngomkambo othengisa imali yakwamanye amazwe othiwa osubangele ukungawi mahlayana kwesisindo sedola le Zimbabwe nxa liqathaniswa leleMelika. Uhulumende uthi umkambo lo usubangele ukuthi intengo yokudla lenye impahla ezitolo ingakakhweli mihla ngemihla.

Umphathintambo wezamafekitali, uNkosikazi Sekai Nzeza utshele iphephandaba le Herald kumalanga asanda kwedlula ukuthi lokhu sokubangele ukuthi impahla emqoka empilweni kazulu itholakale lula kulasekuqaleni komnyaka lapho kade sokusilela phose konke.

Ingcwethi ecubungula ezomnotho, uMnu. Masimba Kuchera uthi kukhona sibili ububelo kodwa bulutshwana kakhulu okokuthi akudingi kutshayelwa ihlombe.

Lokhu kusekelwe ngenye njalo yingcwethi ecubungula ezomnotho, uMnu. Rejoice Ngwenya othi umthetho owasungula umkambo wemali wenelisa ukuhitsha umkambo wensitha, owe black market.

Umongameli wenhlanganiso yabezitolo, eye Confederation of Zimbabwe Retailers, uMnu. Denford Mutashu utshele intathelizindaba kumalanga amalutshwana asand kwedlula ukuthi umkambo wensitha usubangele ukuthi abathenga bethengisa impahla benelise ukuthola idola leMelika lula okuyikho okwenza impahla itholakale ezitolo.

Isakhamuzi sako Bulawayo, uMnu. Rayomd Phiri uthi lanxa umkambo wemali usulethe ububelo udubo yikuthi idola le Zimbabwe selisenza idola leMelika linasathengi okunengi ezitolo.

Umsekeli kamphathintambo wezemali, uMnu. Clemence Chidawu ngeviki edluleyo wazise ukuba osomabhizimusi abazathengisa beqathanisa isisindo sedola leMelika ngesisindo somkambo wensitha bazabotshwa.

please wait

No media source currently available

0:00 0:04:18 0:00


Facebook Forum

XS
SM
MD
LG