amalinks wokungena

Breaking News

UMnangagwa Uxotsha Umahluli weSupreme Court uBere Umsebenzi


UMongameli Emmerson Mnangagwa ngesikhathi ephendulana labantu eKuwadzana ngoLwesihlanu.

Umahluli weSupreme Court, uJustice Francis Bere uxotshwe umsebenzi nguMongameli Emmerson Mnangagwa izolo ngemva kokufunyanwa elecala lokungaziphathi kuhle emsebenzini wakhe.

UBere wamangalelwa ligqwetha uMnu Itayi Ndudzo esithi wangenela kudaba lokubophisana phakathi kwenkampani ebikwa ingeyesihlobo sikaBere, iFremus, logatsha olubona ngezemigwaqo olweZinara olwalumelwa nguye uNdudzo.

Umamangala uthi uBere wamtshayela ucingo esithi kumele iZinara leFremus zikhulumisane ngaphandle komthethwanaba.

Umabhalane omkhulu ehofisini kaMongameli uMnu Misheck Sibanda wazise izolo ukuthi uMnangagwa uxotshe uBere ngemva kokuba iqula ayelikhethe ukuthi lihluze loludaba limthole elecala.

Lokhu kuza ngesikhathi omunye umahluli weHigh Court, uJustice Erica Ndewere laye esemiswe umsebenzi okwesikhatshana ukuze aphenywe phezu kwecala lokungaziphathi kuhle emsebenzini aletheswayo.

UNdewere nguye okhulule isiphathamandla seMDC Alliance uMnu Job Sikhala nge-bail kumaviki asanda kwedluleyo.

Kodwa ugatsha lweJudicial Services Commission (JSC) lwethule umbiko kuliviki lukulandula ukuthi uNdewere umiswe umsebenzi phezu kwaloludaba njengokutsho kwabanye.

Igqwetha uMnu Kudakwashe Hove utshele iStudio 7 ukuthi lanxa kukhanya kulesizatho esizwayo phezu kokuxotshwa kukaBere, ukumiswa umsebenzi kukaMandewere kuyabolisa.

please wait

No media source currently available

0:00 0:03:00 0:00

Facebook Forum

XS
SM
MD
LG