amalinks wokungena

Breaking News

Uzamiswa Edale Namuhla Okewakhokhela iZIFA, uHenrietta Rushwaya Phezu Kwecala Lokuzama Ukususa Igolide Elizweni


UNkosazana Henriatta Rushwaya

Umkhokheli wenhlanganiso yabemba amatshe aligugu, iZimbabwe Miners Federation, uNkosazana Henrietta Rushwaya ukhangelelwe ukumiswa emthethwandaba namuhla esetheswa icala lokuzama ukuphuma elizweni ngudlu legodile elilesisindo samaKilograms ayisithupha elibiza imali engangeUS$366,000.

Amapholisa abophe uRushwaya emini izolo ngesikhathi ezama ukugada indizamtshina eRobert Gabriel Mugabe Airport eHarare esiya eDubai lapho anakanelwa ukuthi ubesiyalithengisa khona.

URushwaya ubikwa ubefihle igolide leli esikhwameni. Uzulu uthi ukubotshwa kwakhe kuveza sobala ukuthi inotho yeZimbabwe ihuquluzwa ngabantu abasezikhundleni eziphezulu.

UNkosazana Rushwaya wake waba ngumkhokheli wenhlanganiso yezenguqu, iZifa, lapho asuka khona esetheswa icala lokungethembeki.

Uhulumende uhlezi ekhala ngokuthi ilizwe lilahlekelwa yizigidi lezigidi zamadola eMelika ngomnyaka ngenxa yabantu abaphuma elizweni lamatshe aligugu besiyawathengisa kwamanye amazwe ngaphandle komthetho njalo bengabhadalanga imithelo.

Umphathintambo obona ngendaba zasekhaya uMnu Kazembe Kazembe uveze ngenyanga edluleyo ukuthi ngesizatho lesi, ilizwe lilahlekelwa yiUS$100 million ngenyanga. Ukuhlaziya loludaba uNtungamili Nkomo weStudio 7 uxhume ocubungula ezombusazwe uMnu Effie Dlela Ncube.

please wait

No media source currently available

0:00 0:03:17 0:00


Facebook Forum

XS
SM
MD
LG