amalinks wokungena

Breaking News

Zindala Zombili: Umhlaba Wonke Ulindele Impumela Yokhetho LweMelika


Umongameli Donald Trump loMnu. Joe Biden.
Umongameli Donald Trump loMnu. Joe Biden.

Lanxa inengi likhangelele ukuba ukuguquka kukahulumende weleMelika akusoze kugule lutho kwezomnotho weZimbabwe bakhona abathi ibandla lama Democrats linganqoba kungaba lenguquko kundlela eleMelika eliphatha ngayo udaba lwe Zimbabwe ngoba yilo elilesandla ekulotshweni komthetho wezijeziso zenotho ezafakelwa ele Zimbabwe.

Kubandla leli kulenkokhokheli efana lo Susan Rice kunye loMnu. Cory Booker abazi indaba zeZimbabwe kabanzi.

UBooker ngomunye wabalesandla ekubhalweni komthetho owandulela izijeziso zenotho owe Zidera.

Isizalwane seZimbabwe esihlala ngapha kwele Melika, uMnu. Raphael Mthombeni uthi ibandla elibusayo elama Republicans phansi kobukhokheli bukaMongameli Donald Trump liqakathekisa impilo yezizalwane zeMelika kulezakwamanye amazwe.

Ingcwethi ecubungula ezomonotho, uMnu. Masimba Kuchera uthi ibandla lama Democrats linganqoba kungabangcono kudaba lokuphathisa ezomnotho welizwe le Zimbabwe.

UMthombeni uthi nxa uMongameli Trump enganqoba njalo kuzakubanzima ukuthi akhangele izwekazi le Africa le Zimbabwe.

UMongameli Trump uke wadanisa inkokheli yezwekazi le Africa ngemva kokubiza izwekazi leli ngamagama angcolileyo.

please wait

No media source currently available

0:00 0:04:31 0:00


XS
SM
MD
LG