Kulabantu ababili ababulawe ngumkhuhlane weCovid-19 kuleli izolo njalo bonke ngabakoBulawayo. Lokhu kukhuphule inani lasebebhubhile elizweni lonke jikelele laya kumakhulu amabili lamatshumi ayisithupha, 260.
Ugatsha lwezempilakahle luthi kulabangamatshumi phose amahlanu, 48, njalo ababanjwe lumkhuhlane.
Phakathi kwabantu laba, abalitshumi lasithupha ngabeMatabeleland North kuthi abalitshumi lantathu ngabakoBulawayo.
KulabeMasvingo abahlanu, abeMidlands abayisithupha, abayisithupha njalo abeMashonaland East lababili abeMashonaland Central.
Kulabangamatshumi amane lasitshiyagalolunye njalo abafunyanwe sebepholile.
Idolobho lakoBulawayo yilo elikhokhelayo ngenani labantu ababulawa ngumkhuhlane lo kulezinsuku.
Lihamba phambli njalo ngenani labantu ababanjwa lumkhuhlane lezabelo zeMatabeleland.
Ezikolo lakho umkhuhlane lo ukhanya usuhlasela ngamandla.
Esikolo seJohn Tallach eMatabeleland North kulabafundi abalikhulu asebebanjwe lumkhuhlane.
Isiphathamandla senhlanganiso yeAmalgamated Rural Teachers Union of Zimbabwe (ARTUZ) uNkosazana Melisa Chingwanangwana uthi loku kuveza sobala ingozi yomkhuhlane lo ezikolo.
UNtungamili uphinde waxoxa lesikhulumeli senhlanganiso ye Citizens Covid 19 Monitor, uMnu. Effie Dlela Ncube.
Sixoxe njalo lesiphathamandla senhlanganiso yeCitizens Covid-19 Monitor uMnu Effie Dlela Ncube.