WASHINGTON D.C —
Ibandla leMthwakazi Republic Party lithi seliphatheke edabeni lwabantu ababili abadutshulwa ngamasotsha echisuma duzane ledolobho le Victoria Falls ngenyanga edluleyo.
Ababili laba badutshulwa emavinkilini echisuma, uMorgen “Zhuzha” Sibanda walimala wayafela esibhedlela kuthi uDumisani “Dudu” Mpofu wahle wabhubha khonaphokhonapho ngenyanga kamfufu.
Lanxa amasotsha amabili ayenza lesi sihluku abotshwa umkhokheli webandla leMthwakazi Republic Party, uMnu. Mqondisi Moyo uthi abalaqiniso lokuthi umthetho uzabajezisa ngemfanelo nxa bengalulandelanga loludaba baphutsha lapho oluphelela khona.