Kulababili abako Bulawayo ababulewe ngumkhuhlane we Covid 19 loyedwa oweMasvingo kwabanjwa abafika phose amatshumi amahlanu igcikwane le coronavirus izolo.
Inengi labatholakale belegcikwane leli ngabesigaba seMatabeleland North okulabangamatshumi phose amathathu, 28 kulandele koBulawayo okulabalitshumi lanye, 11, eMasvingo kulabathathu loyedwa oweManicaland.
Asebebuluwe ngumkhuhlane wecovid 19 sebefika phose amakhulu amabili lamatshumi afika phose isikhombisa, 268.
Abagula umkhuhlane wecovid 19 elizweni bangamakhulu ayiskhombisa lambili, 702.
Kunjalo nje, isimo ezibhedlela zikahulumende sibikwa silokhu sisibi ngenxa yokusilela kwabodokotela lokungavumelani kwabo lomqhatshi ngeholo kanye lendlela okumele besebenze ngayo, ngesikhathi inani labafuna ukwelatshwa kulezi indawo lisanda.
USithandekile Mhlanga weStudio 7 uxoxe loDokotela Rogers Magigo, osebenza ezibhedlela zikahulumende ukuze sizwe okunengi ngaloludaba.
