Iqembu labasakhulayo abaphansi kweminyaka elitshumi lasikhombisa, 17, elixotshwe kumidlalo yenkezo ye Confederation of Southern African Football Association Youth Championship belikhangelelwe ukufika elizweni izolo.
Iqembu leli laxotshwa emdlalweni le ngoba kulabadlali abatholakala beleminyaka edlula elitshumi lasikhombisa, 17.
Baxotshwa kunye labadlali bamazwe athi Botswana, Comoros Islands le Swatini labo okuthiwa babezama ukuqilibezala kodwa babanjwa ngumtshina osetshenziswa ukubona ukuthi umuntu useleminyaka edlula elitshumi lasikhombisa na.
Iqembu lesizwe landise ukuthola abadlali balo kubona laba abasakhulayo. Kodwa ukuqilibezela okutiwa kwakufuna ukwenziwa sokutshiye abanye besithi iqembu lakusasa elomdlalo wenguqu lizakubasengozini yokuthola abadlali abakhaliphileyo.
Sixoxe lolandela umdlalo wenguqu, uPeter Moyo othi lesi sehlakalo siyayangisa.
