amalinks wokungena

Breaking News

Izakhamizi Zemaphandleni Zikhuthazwa Ukuxhasana Ukuze Zixazulule Inkinga Ezizixakayo


Amakhosikaze awe Gwanda
Amakhosikaze awe Gwanda

Izakhamizi zemaphandleni sezikhuthazwe ukuthi zisebenzelane kunhlelo zokuzithuthukisa ezibalisa ukufuya kanye lokulima ukuze zinqobe ingxaki ezivele ngemva kokuqhamuka kwegciwane leCoronavirus lonyaka. Lesisixwayiso sivele lapho kusungulwa uhlelo lokufuya imbuzi eBethel eGwanda, South.

Ekhuluma emkhosini wokuvulwa ngokusemththweni kohlelo lokufuya imbuzi eBethelngoLwesihlanu. UMnu Mohorosi Makhurane ongumgcinisihlalo webhodi yeEdward Ndlovu Memorial Trust ukhuthaze izakhamizi ukuthi zixhasane kunhlelo zokuzithuthukisa ukuze zithole inzuzo ethe xaxa.

I-Edward Ndlovu Memorial Trust incedisana lezakhamizi kunhlelo zokufuya lezokulima ukuze ziyenelise ukuziphilisa lapho kulendlala.

UMakhurane uthi kuyadingeka ukuthi kungabi labavalelwa phandle kulezinhlelo.

Kusungulwe amadlelo embuzi lapho ezizafuywa khona phambilini kokuthi zithengiswe.

UNkosikazi Duduzile Ndlovu oweSamlodi eGwanda South ngumsekeli kamgcinisihlalo weGwanda Study Circle Farmers Association, uthi ukuqhamuka kwegciwane leCoronavirus kubabisele emuva.

please wait

No media source currently available

0:00 0:04:26 0:00


UNkosikazi Sibongile Masuku ongumfelokazi njalo ekuhlelo lokuthunga izikhwama ngamangqongqo abalubiza ngokuthi Hamba labahambayo, uthi kuyabasiza ukusebenzelana ndawonye.

UNkosikazi Opah Mabhena oweBhalula uziphilisa ngokufuya inkukhu labanye bakhe, kodwa laye ukhala ngegciwane lecoronavirus.

Osaphethe isihlalo somqondisi weEdward Ndlovu Memorial Trust uNkosikazi Viviene Moyo uyalandisa ngohlelo lwamaStudy Circles athi soluqhelile.

UMnu Phineas Maphosa ongukhansila kaWard 14, uthi ziyasiza kakhulu lezinhlelo zama Study Circles esigabeni sakhe ikakhulu ngalesisikhathi sendlala.

please wait

No media source currently available

0:00 0:04:26 0:00



Kusenjalo ugatsha lwezempilakahle lubike ukuthi inani labahlaselwe ligciwane leCoronavirus eZansi yemaNdebeleni seliqonge laya kwabalikhulu lamatshumi ayisithupha.

Ababanjwe igciwane lecoronavirus kunsukwana ezisanda kwedlula babalisa amakhansila kamanisipala weGwanda kanye lezisebenzi zeGwanda Rural District Council lebhanga leCabs osekudale ukuvalwa kwalezi ndawo.

Uzulu ukhuthazwa ukuthi alandele iziqondiso zokulwisana laleligciwane ngokugqoka ama mask, ukuqhelelana lokungabi banengi ndawonye, ngoba selimemetheka ngamandla.

XS
SM
MD
LG