amalinks wokungena

Breaking News

Inhloko ZeNdaba Mpalakazi 09, 2020


Sebezinkulungwane phose ezilitshumi lanye-10,912 asebehloliwe batholakala beleCovid 19 eZimbabwe. Abasinde kulumkhuhlane, bazinkulungwane ezedlula ezithoba munwe munye-9,062. Abalokhu beqiniswa yilumkhuhlane bayedlula inkulungwane eyodwa lengxenye-1,547, usubulele abangamakhulu edlula amathathu-303.

Abatshayeli bezimota e Zimbabwe bakhala ezimathonsi ngesimo semigwaqo egcwele amagodigodi osekungezelelwe lizulu elinayo ngalezi nsuku bethi bahlawula imali enengi yemithelo yezimota lasentubeni zamatollgate.

Olwela amalungelo abesifazana uNkosazana Victress Mathuthu useyethule ugwalo mazwi lwesiNdebele oluthi ‘Kuxabene abegazi’ oluveza uhlupho lokwephulwa kwamalungelo abesifazana walucindezela ngezwi lakhe ukuze longathandi ukubala acofenje kumakhalekhukwini wakhe alalele.

Idale leSupreme Court lithi alulamkantsho udaba oluphanyekwe ngomunye umuntu odlelana loMongameli Donald Trump emthethwandaba olulesicelo sokuguqula impumela yokhetho lukamongameli ePennyslvania lapho uTrump anqotshwe khona nguMnu. Joseph Biden, owebandla lama Democrats ngoLwezi.

Ku Livetalk namhlanje kuhlelo “Diaspora Forum” sikhangela ukuqonga kwenani labatholakala beleCovid 19, kanye lokunanzwa kosuku lokulondolozwa kwelungelo loluntu ele Human Rights Day, elinanzwa mhlaka 10 Mpalakazi.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG