amalinks wokungena

Breaking News

UMongameli Mnangagwa Uphawula Ugwalo Olwalotshwa Ngumsekeli Wakhe, uChiwenga


UMnu. Constantino Chiwenga. ( (S. Mhofu/VOA)

Umongameli Emmerson Mnangagwa ngoLwesithathu ntambama uphawule ngokusemthethweni ugwalo olulotshwe ngomunye wabasekeli bakhe uMnu. Constantino Chiwenga elilesihloko esithi “Goose or Gander: The United Nations Security Council and the Ethic of Double Standards.”

Ugwalo lolu, olwethulwe emcimbini oqhushelwe eHarare, lubikwa lugxile kokumunyethwe yingxenye yophenyo lwemfundo ephezulu eye PHD Thesis eyaqhutshwa nguMnu. Chiwenga ekolitshini le Kwazulu Natal eSouth Africa.

Esethula umbiko enkundleni yebulenjini eye Twitter, uMnu. George Charamba, oyisiphathamandla sikahulumende uthe ibhuku leli licubungula imisebenzi yogatsha lomanyano wamazwe omhlaba olubona ngezomvikela, olwe United Nations Security Council olubikwa lulandela iziqondiso, ikakhulu ezivela kumazwe alamandla kuphela, angamalunga alumanyano.

Unike umzekeliso wokuthi i-Security Council yalumanyano iyasebenzisa ivoti esemthethweni kodwa ekhulela amanye eye Veto Power kube yiyo eyamukelwayo endaweni yaleyo eyamazwe akudale leGeneral Assembly yalumanyano, eyiyo elamazwe amanengi omhlaba, angamalunga.

Ibhuku leli libikwa ligxile kuzehlakalo ezimbili; ezibalisa Ukungenelwa kwe Iraq le Libya ngamabutho, okwakukhokhelwa ngamazwe aphetsheya alamandla lanxa kungavunyelwananga ngalelinyathelo kumanyano weUnited Nations.

Ekhuluma kulumbuthano, uMnu. Chiwenga uthe okwabangela ukuthi alobe lolugwalo yikuthi amazwe aphetsheya encedisana lomanyano weUnited Nations azama ukungenela eleZimbabwe ngamabutho ngomnyaka ka 2008 ngezizatho zokuzibazela.

Uthi lokhu kwavinjwa yi Veto Power yeRussia leChina kodwa umanyano lo waqhubeka wangenela eleLibya ngeminyaka elandelayo, okwabangela ingxabangxoza kulelolizwe.

Umongameli Mnangagwa ugcizelele amazwi kaMnu. Chiwenga, wamncoma ngomsebenzi wakhe kuhulumende kanye lokukhuthala kwezomfundo lokubhala.

Ugcizelele insolo yakhe kumazwe aphetsheya ngokwethesa eleZimbabwe izijeziso zamasanctions, wathi amazwe la aloncindezelo.

Abakhulume kulumbuthano babalisa osikhwicamfundo oMnu. Emeritus Ngwabi Bhebhe, General Rugeje, loSibusiso Moyo ababikwa besekhwapheni lakhe njalo abamncedisayo kuphenyo lwe thesis yakhe.

Abanye yiziphathamandla zebandla leZANU PF ezibalisa uNkosikazi Opah Muchinguri, uRetired Colonel Huchu, uMnu. Cain Mathema lentathelizindaba uNkosazana Phyllis Johnson.

please wait

No media source currently available

0:00 0:02:57 0:00

UMnu. George Mkhwananzi yingcwethi kwezamasiko njalo ecubungula ezombusazwe. Ubekhuluma ecingweni le Studio Seven ese South Africa.

please wait

No media source currently available

0:00 0:03:51 0:00


Facebook Forum

XS
SM
MD
LG