Umongameli wele South Africa, uAyril Ramaphosa, useqinise imigoqo yokwenqabela ukumemetheka kwegcikwane le coronavirus kulandela ukukhuphuka kwenani labatholakala legcikwane lecoronavirus kulelolizwe.
Esethula amazwi akhe, uRamaphosa uthe izinga lokulimuka leligcikwane selikhuphuke livela kusigaba sesibili lay kuzinga lesithathu, level three, ngesingisi.
Lokhu kutsho ukuthi imgiqo efana le curfew isingezelelwe isikhathi okutsho ukuthi kungatshaya ihola lika 9 ntambama kusiyafika u6 ekuseni akusaphunywa ezindlini.
Indawo zokunatha lokudla sezivalwa ngehola lika 8 ntambama njalo utshwala alusathengiswa ema bottle store leminye imigqo.
URamaphosa uqambe indawo ezimbalawa eziyizo ezigcwele igcikwane lecoronavirus ezibalisa iEasetern Cape, Kwazulu-Natal le Johannesburg lezinye.
Sixoxe lentathalizinda esebenzela kwele South Africa, uMnu. Mxolisi Ncube.
Kunjalo nje, ugatsha lukahulumende weZimbabwe olwezempilakahle lubika ukuba kulabantu abahlanu ababulewe yicovid 19 izolo.
Ababhubhileyo laba oyedwa ngowakoBulawayo kuthi izigaba ezithi Manicland, Mashonaland west, Harare leMasvingo zible lomuntu oyedwa ngasigaba obhubhileyo.
Abatholakale belegcikwane le coronavirus bangamatshumi ayiskhombisa lanye, 71.
