Kulabantu abangamakhulu ayisikhombisa lamatshumi ayisikhomisa lane, 774, ababanjwe iCovid-19 eZimbabwe izolo labathathu ababulawe yilumkhuhlane.
Lokhu kwethuse abanengi ngoba inani lababanjwe igciwane leli liqonge okumangalisayo.
Asebefunyenwe belomkhuhlane lo selokhe waqhamukayo kuleli sebekhwele baya kunkulungwane ezedlula itshumi lanhlanu, 15,265, kuthi asebefile sebengamakhulu phose amane, 380.
Asebepholile bangu-11,574 njalo abalokhe begula bangu-3,311.
Ukuqansa kwenani lababanjwa lumkhuhlane labafayo kuza ngesikhathi ilizwe selivaliwe njalo emizameni yokwenqabela ukumemetheka kwawo.
Imigoqo efakwe nguhulumende iqale ukusebenza izolo njalo ngoLwesibili kulapho amabhizimusi amanengi azavalwa khona abantu labo bahlale ezindlini.
Lanxa abanye bewasola amanyathelo la, abanye bayawamukela.
Sixoxe lesiphathamandla senhlanganiso elimukisa uzulu ngalumkhuhlane eyeCitizens Covid-19 Monitor uMnu Effie Dlela Ncube.
