amalinks wokungena

Breaking News

Inkantolo Ihluza Isicelo Sokuthi Ilunga leARTUZ uChisirimunhu Akhululwe


Abenhlanganiso yababalisi eyeAmalagamated Rural Teachers Union of Zimbabwe-ARTUZ.

Idale leHigh Court eMasvingo namuhla lizahluza isicelo sokuthi umbalisi ogwetshelwe ukuhlala entolongweni okomnyaka olenyanga ezine, uNkosikazi Sheilla Chisirimunhu akhululwe ngemali yesibambiso, ibail.

UChisirimunhu, oyisiphathamandla senhlanganiso yababalisi bemaphandleni, iAmalgamated Rural Teachers Union of Zimbabwe (ARTUZ) uqale ukupika kunsukwana ezedluleyo ngemva kokutholakala elecala lokudala udlakela ngesikhathi ababalisi betshengisele bekhala ngeholo eliphansi nyakenye.

Amagqwetha akhe azacela ukuthi akhululwe ukuze aphikise isigwebo sakhe kanye lokufunyanwa elecala ehleli ngekhaya.

Isiphathamandla seARTUZ uNkosazana Melissa Chingwanangwana utshele iStudio 7 ukuthi bakhathazekile kakhulu ngokuvalelwa kukaChisirimunhu.

please wait

No media source currently available

0:00 0:03:44 0:00

Facebook Forum

XS
SM
MD
LG