amalinks wokungena

Breaking News

Abaphila Ngokuthengisa Ezitaladeni Bathi Ukuvalwa Kwelizwe Kuzabangela Indlala Embi


Ophila Ngokuzisebenza ezihambela emgwaqweni.
Ophila Ngokuzisebenza ezihambela emgwaqweni.

Ukuqiniswa kwezijeziqondiso zokuvimba ukumemetheka kwegcikwane le coronavirus kubikwa kuzabangela ukuthi abaphila ngokuzisebenza bathwalenzima ngoba bengasoze bavunjyelwe ukwenza umsebenzi okwenyanga eyodwa elandelayo.

Umkhokheli wenhlanganiso yabaphila ngokuthengisa ezitaladeni eye Bulawayo Vendors and Traders’ Association, uMnu. Michael Mdladla Ndiweni uthi impilo ivele yaqala ukubanzima ngoba inengi licine ukusebenza ngempelasonto.

Ingcwethi kwezenotho yelizwe, uMnu. Masimba Kuchera uthi ukuvalwa kwelizwe lokhu kuzalethela uzulu udubo ngoba umnotho ubuvele uguqe ngamadolo ilizwe lingakavalwa.

Lokhu kugcizelelwe ngusomabhizimusi wako Bulawayo, uMnu. Edwin Ndlovu othi inyathelo elithethwe nguhulumende lucuku.

UNdiweni uthi bona njengenhlanganiso sebeke baphathisa izakhamizi zako Bulawayo ukulwisana logubhane lwe coronavirus.

Uhulumende useke waphithisa abaswelayo ekuvalweni kwelizwe okwakuqala lanxa inengi lakhala ngokuthi imali eyayiphiwa uzulu yayincane kakhulu.

please wait

No media source currently available

0:00 0:05:59 0:00


XS
SM
MD
LG