amalinks wokungena

Breaking News

Kufunyanwe Abangu-610 beleCovid-19 eZimbabwe Izolo Kwabhubha Abangu-13


Coronavirus, Zimbabwe

Kubhubhe abantu abalitshumi lantathu, 13, ngeCovid-19 eZimbabwe izolo kwathi abedlula amakhulu ayisithupha, 610, bafunyanwa belomkhuhlane lo.

Lokhu kukhweze inani labantu asebebulewe ngumkhuhlane lo selokhe wafikayo kuleli laya kumakhulu aphezu kwamane, 431.

Asebefunyenwe belawo bona bakhuphuke baya kunkulungwane phose ezingamatshumi amabili, 17,804.

Phakathi kwababhubhe izolo abayisithupha ngabeManicaland. Kulabathathu beMashonaland West, ababili beMatabeleland North, oyedwa oweMashonaland Central lomunye njalo weMashonaland East.

Ukumemetheka komkhuhlane lo ngamandla kulezinsuku kubangele ukuthi uhulumende avale ilizwe okwenyanga.

Isiphathamandla senhlanganiso ephatheke kumizamo yokwehlisa umthelela weCoronavirus kuzulu, iZimbabwe Christian Alliance uMfundisi Useni Sibanda utshele lumsakazo ukuthi iyethusa indlela umkhuhlane lo osumemetheka ngayo kulezinsuku.

please wait

No media source currently available

0:00 0:02:34 0:00

Facebook Forum

XS
SM
MD
LG