amalinks wokungena

Breaking News

Abasekeli bakaTrump Babangele Udlakela Ephalamende Yavalwa


Trump supporters try to break through a police barrier, Wednesday, Jan. 6, 2021, at the Capitol in Washington. As Congress prepares to affirm President-elect Joe Biden's victory, thousands of people have gathered to show their support for President Donald
Trump supporters try to break through a police barrier, Wednesday, Jan. 6, 2021, at the Capitol in Washington. As Congress prepares to affirm President-elect Joe Biden's victory, thousands of people have gathered to show their support for President Donald

Abasekeli bakaMongameli Donald Trump bavuke ubhova izolo babangela udlakela edale lephalamende eMelika, eleCongress njalo bamisa ukwamukelwa ngokusemthethweni kwempumela yokhetho lukaMongameli yilelidale.

Abasekeli bakaTrump laba, abafika kumakhulu, bakhulele amapholisa babulala amafasitela edale lephalamende bangena phakathi besithi akumelanga idale leli lamukele ukukhethwa kukaMnu Joe Biden ukuba nguMongameli omutsha besithi uTrump wadlelezelwa.

Lokhu kubangele ukuthi amalunga eSenate akhutshwe buthumuthumu kulelidale ayecatshiswa endaweni evikelekileyo.

Isehlakalo lesi senzakale ngemva kokuba uTrump etshele abantu laba ekuseni ukuthi bavikele umbuso wakhe ngoba entshontshelwe ukhetho.

Isehlakalo lesi sisolwe ngabanengi abagoqela umsekeli kaTrump uMnu Mike Pence lamalunga amabandla ezombusazwe womabili athi elamaRepublicans lelamaDemocrats.

Amapholisa akhangelane lezehlakalo ezinje aze abuya sokwedlule amahola athize achitha abantu laba.

Kulowesifazana odutshuliweyo ngamapholisa wafa.

Amalunga eSenate abuye athi gwaqa njalo ebusuku aqhubeka ngokwamukela impumela yokhetho.

Idale leSenate lona selikhokhelwa libandla lamaDemocrats ngemva kokuba amalunga alelibandla amabili enqobe amaSenators ebandla likaTrump elamaRepublicans kukhetho olweniwe kuthange.

AmaDemocrats, okulibandla likaBiden, asekhokhela izindlu zombili zedale lephalamende, eyaphansi (Lower House) leSenate.

UBiden uzafungiswa ukuqala umsebenzi mhlaka 20 kulinyanga. Ocubungula ezombusazwe uMnu Difa Dube utshele iStudio 7 ukuthi okwenzakale eMelika lokhu kulihlazo.

please wait
Embed

No media source currently available

0:00 0:03:09 0:00

XS
SM
MD
LG