Inkokheli yomhlaba iqhubeke isola uMongameli Donlad Trump ngokutshotshozela abalandeli bakhe ukuthi bavukele isigodlo selizwe, iCapitol, ngoLwesithathu.
Lokhu kwenzakala ibandla eliphikisayo elama Democrats lisithi lizethula ngomvulo udaba lokuthi uTrump asuswe esihlalweni lanxa nje kuyabe kusele amalanga amalutshwana ukuthi owamnqoba kukhetho, uMnu. Joe Biden agcotshwe ukuba ngumongameli.
Kuzakakuba ngokwesibili ukuthi kuthathwe lelinyathelo.
Nyakenye kwehlula ukuthi asuswe ngomthetho we impeachment ngesilungu ngoba amalunga edale le senate wonke ama laye. Kodwa kathesi bakhona asebephumele egcekeni abebandla lama Republicans abathi bazavota ndowonye labebandla lama Democrats ukususa uTrump esihlweni loba nje uyabe esalelwe ngamalanga alitshumi ukuthi asuke embusweni.
Ukuhlaziya loludab sixoxe lesizalwane seZimbabwe, uMnu. Edwin Ndlovu ukuze sizwe imbono yakhe.
