amalinks wokungena

Breaking News

Kufe Abangu-21 ngeCovid-19 eZimbabwe Kwafunyanwa Abangu-820 Belomkhuhlane Lo


Coronavirus, Zimbabwe

Kubhubhe abantu abangamatshumi amabili lanye, 21, ngeCovid-19 eZimbabwe izolo njalo kwatholakala abangamakhulu ayisitshiyangalombili lamatshumi amabili, 820, belomkhuhlane lo.

Lokhu kukhweze inani lasebebulewe yisifo lesi kuleli laya kumakhulu amahlanu alamatshumi phose amathathu, 528.

Asebebanjwe lumkhuhlane bona bakhwele baya kunkulungwane ezedlula amatshumi amabili, 22,297.

Phakathi kwababhubhe izolo kulabalitshumi lambili beHarare, abathathu eMashonaland Central, oyedwa koBulawayo, ababili eManicaland, ababili njalo eMashonaland East kanye loyedwa aMasvingo.

Ugatsha olubona ngezempilakahle luthi lanxa sokulomthetho othi umuntu angabhubhela endawenithize kumele angwatshelwe kuleyondawo lanxa engaveli khona, labo abangaba befuna ukuthwala izidumbu ukuyazibeka emakhaya kumele babe leqiniso lokuthi ibhokisi livalwe ngendlela enqabela ukumemetheka komkhuhlane wecCronavirus.

Lolugatsha lugcizelele njalo umbuko wokuthi nxa umuntu engcwatshwa kumele abantu bamele khatshana legodi njalo kungavulwa ibhokisi.

Isikhulumeli senhlanganiso elimukisa uzulu ngomkhuhlane weCoronavirus eyeCitizens Covid-19 Monitor uMnu Effie Dlela Ncube utshele iStudio 7 ukuthi banengi abanti abasazobulawa ngumkhuhlane lo ngoba inengi lisawutshaua indiva lumkhuhlane.

please wait

No media source currently available

0:00 0:03:18 0:00

Facebook Forum

XS
SM
MD
LG