amalinks wokungena

Breaking News

Umthethwanda Uthi uSikhala, uMahere lo Chin'ono Bayalala Njalo Esitokisini


Unkosazana Fadzayi Mahere

Umthethwandaba kamantshi eHarare usulahle isicelo sokwesula icela eletheswa umsekeli kamgcinisihlalo webandla leMDC Alliance, uMnu. Joba Sikhala obesithi umthetho owasetsheniziswa ukumbopha kucala lokwethula amanga awusebenzi.

Umantshi uthe lumthetho uyasebenza ngoba wesulwa kusisekelo sombuso welizwe sidala hatshi esakathesi. Isikhulumeli sebandla leMDC Alliance, uNkosazana Fadzayi Mahere yena obotshwe izolo laye uzalala njalo esitokisini okwamanye njalo amalanga ngoba umantshi ethe uzakupha isinqumo sakhe ngoLwesihlanu.

Bobabili betheswa icala lokuqamba managa ngokwethula enkundleni yeTwitter umfanekiso othi kulosane olubuelwe lipholisa elalitshaya unina lona lusemhlane.

Amapholisa athi ngamanga ukuthi usane lwabhubha lanxa unina engasazakali ukuthi ungaphi lokuthi yena uthini ngaloludaba.

Imizamo yeStudio Seven yokudinga lumama yehlule.

Intathelizindaba uHopewell Chin’ono yena kuthiwe icala lakhe lizahlulelwa kusasa. Kunjalo nje, ibandla leMDC Alliance selisole ukubotshwa lokuvalelwa estokisini kwenkokholi lamalunga alo lisithi umthetho ususetshenziswa ukuhlukuluza abaphikisayo.

Sixoxe lomsekeli wesikhulumeli salelibandla, uMnu. Felix Magalela Mafa Sibanda.

please wait

No media source currently available

0:00 0:00:09 0:00


Facebook Forum

XS
SM
MD
LG