amalinks wokungena

Breaking News

UTrump Uba nguMongameli weMelika Wakuqala Ukwetheswa Amacala ngeImpeachment Kabili


Donald Trump
Donald Trump

UMnu Donald Trump ube nguMongameli weMelika wakuqala embalini yalelilizwe ukwetheswa amacala kabili ngohlelo lwe-impeachment izolo.

Amalunga edale lephalamende, eleHouse of Representatives, avotile avumelana ukwethesa uTrump icala lokuphehla umvukela ngemva kokuhlaselwa kwephalamende ngabasekeli bakhe ngeviki edluleyo bezama ukuvimba ukwamukelwa kukaMnu Joe Biden lidale leli njengoMongameli weMelika omutsha.

Abebandla lamaDemocrats, abayibo abatshutshisa loludaba bathole usekelo lwamalunga ebandla likaMongameli Trump, elamaRepublicans alitshumi bavota bengamakhulu amabili lamatshumi amathathu lambili, 232 besithi uTrump kumele asuswe esihlalweni.

Abebandla likaTrump, bona abavote bephikisa kodwa badliwa yivoti babe ngamakhulu phose amabili, 197.

UMongameli Trump uke wetheswa njalo icala lokusebenzisa ihofisi yakhe ngendlela engayisiyo yiphalamende nyakenye kodwa idale laphezulu eleSenate lamfumana emsulwa.

Kucala lakhathesi, lona elilakho ukuthoniswa yiSenate uTrump esesukile esihlalweni, akukakhanyi ukuthi iyozala nkomoni ngoba amaDemocrats kawalawo amanani adingakalayo ukuthi amfumane elecala kulelodale.

Ocubungula ezombusazwe uMnu Difa Dube utshele iStudio 7 ukutihi ngokwethesa uTrump icala, abezombusazwe beMelika bazama ukutshengisa umhlala ukuthi abavumelani lemisebenzi yakhe esolekayo.

please wait
Embed

No media source currently available

0:00 0:02:22 0:00

Omunye njalo ohlaziya ezombusazwe uMnu Tim Muringai uthe lanxa bekufanele ukuthi uTrump etheswe icala, kaboni iSenate imfumana elecala ngoba amaDemocrats esilela ngamavoti kulelodale.

please wait

No media source currently available

0:00 0:02:25 0:00

Yena uMongameli Trump uphume kumabonakude ngemva kokwetheswa icala okwesibili kodwa kazange alulokothe loludaba.

Usole nje udlakela wathi labo abenza ubudlwangudlwangu ngegama lakhe kumele batshiyane lakho. Ukhuthaze njalo ukubambana kuzulu.

please wait

No media source currently available

0:00 0:01:08 0:00

XS
SM
MD
LG