Namuhla izizalwane zakwele Uganda ziyakukhetho lokudinga umongameli ozelama umongameli Yoweri Museveni osebuse lelolizwe kusukela ngomnyaka ka 1986.
Kulabancintisa uMuseven abalitshumi kodwa okhanya elabasekeli abanengi ngosakhulayo uMnu. Robert Kyagulanyi Ssentamu, oleminyaka engamatshumi amathathu lasithoba minwe mibili, owazakala ngelokuthi Bobi Wine odume njalo ngokuhlabela.
Abanye bathi umumo wele Uganda ngalesi sikhathi ufana xathu lowe Zimbabwe ngoba kungelakukhankasa okubalulekileyo kulandela ukubotshwa mahlayana kuka Bobi Wine labanye abancintisayo ndawonye labalandeli babo.
Kulabanye abanengi asebebulewe ngamapholisa lamasotsha abekade evimba imihlangano ka Bobi Wine.
Sikhuluma nje uhulumende kaMuseveni usevale iInternet ngoba uBobi Wine ubelomkhankaso obanzi ebulenjini be Internet.
Ukuhlaziya loludaba sixoxe lengcethi ecubungula ezombusazwe, uMnu. Ambrose Sibindi endawonye lesiphathamndla sebandla le Zanu PF, uMnu. Joseph Tshuma onguye osungula lingxoxo.
