amalinks wokungena

Breaking News

Amazwe Angentshonalanga Asola Uhulumende Ngokungathonisi Amasotsha Lamapholisa Abulala Abantu Ngomnyaka ka2019


Amapholisa ephosela intuthu ehitshayo eye teargas.

Abameli bamazwe angentshonalanga agoqela eleMelika, eleBhilithani kanye lalawo akumanyano weEuropean Union abasebenzela eZimbabwe sebesole uhulumende besithi ulokhe engakajezisi amapholisa lamasotsha abulala abantu abayisitshiyangalombili ngomnyaka ka2019.

Abantu laba badutshulwa ngesikhathi sokutshengisela ezitaladeni emadolobheni atshiyeneyo uzulu esola ukukhwela kwentengo yamafutha ezimota ngoZibandlela.

Amazwe la ethule imibiko izolo enanza iminyaka emibili ngemva kwesehlakalo lesi.

Athe kuyadanisa kakhulu ukuthi labo ababulala abantu laba njalo babahlukuluza ngendlela ezigoqela ukudlwengulwa balokhe bengakabotshwa.

Amabeli bamazwe la bathi njalo ukwephulwa kwamalungelo oluntu nguhulumende kuyaphambili.

Sixoxe lesiphathamandla senhlanganiso yeCrisis in Zimbabwe Coalition uMnu Marvellous Khumalo.

please wait

No media source currently available

0:00 0:02:44 0:00


Facebook Forum

XS
SM
MD
LG