WASHINGTON D.C —
Abatsha beMDC Alliance bathi baqhubekela phambili ngohlelo lwabo lokudingela lelibandla abasekeli abedlula isigidi elizweni lonke njalo sebethembele enkundleni zebulenjini ukwenza lokhu ngenxa yeziqondiso zokwenqabela ukumemetheka kwegcikwane leCoronavirus ezingavumeli ukuhamba-hamba kwabantu.
Ibandla leli liyalandula okutshiwo ngabanye enkundleni zebulenjini, ukuthi seliyekethisa imkhankaso yalo yokuletha inguquko kunhlelo zokhetho ama electoral reforms, lokulokunye, lokuthi umkhokheli walo uMnu. Nelson Chamisa kasabonakali ekhankasela usekelo.
UMnu. Tinashe Kambarami, umgcinisihlalo wabatsha esigabeni sakoBulawayo kuMDC Alliance uchasisela uSithandekile Mhlanga weStudio 7 okunengi ngohlelo lwabatsha kulelidolobho..