amalinks wokungena

Breaking News

Inhlanganiso ye Transparency International Ithi eleZimbabwe Lilenkohlakalo Emangalisayo


Izizalwane zeZimbabweans zitshengisela edolobheni le London. (Umfanekiso Ogciniweyo)

Inhlanganiso yeTransparency International (TI) ithi eleZimbabwe lilokhe lingelinye lamazwe alenkohlakalo enengi emhlabeni jikelele.

Lokhu kuphume kugwalo olwethulwe yilinhlanganiso izolo ngemva kokucubungula imisebenzi yokungethembeki ngomnyana odluleyo emazweni omhlaba.

Phakathi kwamazwe alikhulu lamatshumi ayisitshiyangalombili, 180, inhlanganiso le ithi eleZimbabwe litshede kancane lisuka kuzinga lekhulu elilamatshumi phose ayisithupha, 158, ngomnyaka ka2019 laya ku157 nyakenye, okutsho ukuthi lingelinye lamazwe alenkohlakalo ethusayo.

Phakathi kwemiklomelo elikhulu, eleZimbabwe lithole engamatshumi amabili lane kuphela, 24. Ngo2019 lathola imiklomelo efanayo.

Emhlubulweni wezansi yeAfrica eleSeychelles yilo elikhokhelayo emazweni lilandelwa ngeleBotswana. Emhlabeni jikelele iDenmark leNew Zeland yizo ezihamba phambili.

Ukuhlaziya loludaba uNtungamili Nkomo weStudio 7 uxoxe lengcwethi kwezombusazwe uMnu Effie Dlela Ncube.

please wait

No media source currently available

0:00 0:02:23 0:00


Facebook Forum

XS
SM
MD
LG