amalinks wokungena

Breaking News

Ukupha Inhlonipho umhlabeleli, uSoul Jah Love Ngesikhathi Kungaphiwanga Induna uVezi Mafu, Kwamukelwa Ngabanye, Kusolwe Ngabanye


UMnu. Charles Nyoni.
UMnu. Charles Nyoni.

Umhlabelele wengoma zohlo lwe ZimDancehall obedume kakhulu elizweni uSoul Jah Love uphiwe inhlonipho yeqhawe lenkululeko iLiberation hero nguMongameli Emmerson Mnangagwa ngelanga induna uVezi Maduna Mafu encitshwe inhlonipho efanayo kumbe eyesizwe eyayicelwe yisigaba seMatabeleland South sebandla leZanu PF.

Abanye esigabeni seMandebeleni basole inyathelo elithethwe nguhulumende ngoba uMafu ubesazakala njengomuntu ofanele isicoco seqhawe lesizwe ngoba walwela ilungelo labantu belizwe jikelele kusukela ngombuso wabelungu.

USoul Jah Love ubhubhe ngoLwesibili njalo ubikwa ethethwe ngumkhuhlane wetshukela.

Yena ubehlabela ingoma ezingelani lokwenza lelungelo likazulu. Ukuphiwa kwakhe linhonipho kutsho ukuthi uhulumende nguye ozahlawulela indleko zomngcwabo wakhe ngoMgqibelo eWarren Hills. Inhlonipho yeLiberation hero, eyesigaba, itshiyene leyeNational Hero, yona evame ukuphiwa abalwa impi yenkululeko, ikakhulu abebandla leZanu PF.

Sixoxe losakhulayo olwela amalungelo oluntu, uMnu Charles Nyoni ukuze sizwe okunengi ngodaba lokuphiwa isicoco lesi okwenziwe uSoul Jah Love.

please wait

No media source currently available

0:00 0:03:13 0:00


XS
SM
MD
LG