Uhlelo lokuhlaba abantu ijekiseni yecovid 19 luqala namuhla ko Bulawayo lezinye izigaba zelizwe, kodwa abanye lokhu besithi abayikuhlatshwa.
Kuqala ukuhlatshwa abezempilakahle labanye abacatshengelwa ukuthi bengaba balamathuba amanengi okubanjwa leligcikwane.
Kodwa abasebenza kwezempilakahle abangafunanga ukuphuma emoyeni batshele iStudio Seven ukuthi abalwa lwazi olujulileyo ngejekiseni le evela kwele China eyalungiswa yinkampani ethiwa yi Sinopharm.
Kulembiko ehlukeneyo ngokuthi lijekiseni iyavikela mpela ngoba abanye besithi ayikapheli ukuvivinywa. Sixoxe lesikhulumeli senhlanganiso ye Zimbabwe Christian Alliance, uMfundisi Useni Sibanda, abaphathisa uzulu ngalesi sikhathi sobhubhane lwe covid 19.
Kusenjalo, ugatsha lwezempilakahle luthi kulabantu abane ababulewe ngumkhuhlane we covid 19 izolo elizweni jikelele.
Kulabafika phose amatshumi amathathu, 28, abathelelwe leligcikwane.
