Ugatsha lweJudicial Service Commission luthi luphakathi kokuphenya udaba lomunye umahluli olemifanekiso egcwele enkundleni zokuxhumana enqunu.
Umahluli lo ubikwa ebethandana lontombazana asebenza laye, okungaba kuyikwephula umthetho.
Lanxa ikhomishini le ingamqambanga ngegama, inkundla yeZimLive iveze ukuthi umahluli weHigh Court koBulawayo uJustice Thompson Mabhikwa nguye ohazelwe imifanekiso eyangisayo emphakathini nguntombazana athandaba laye ngemva kokuba luntombazana enanzelele ukuthi uMabhikwa uthandana lomunye njalo owesifazana.
IJudicial Service Commission ithi izakwazisa uzulu ngempumela yaloluphenyo.
Udaba lukaMabhikwa luza ngesikhathi umsekeli kaMongameli welizwe uMnu Kembo Mohadi laye esolwa ngabantu abanengi ngokuthandana labafazi babantu abagoqela omunye obesebenza ehofisini yakhe.
Ubufakazi obethulwe yiZimLive buveza ukuthi uMohadi ubelala njalo labafazi ehofisini yakhe.
Sixoxe lohlaziya ezombuzaswe saqala ngokumbuza ukuthi ulubona njani udaba lukaMabhikwa.
