UMnu. Stanley Raphael Khumalo, owazakala njengeyinye yenkosi yamaNdebele, enguMzilikazi wesibili, uthi ukhuthaza isizwe sikamthwakazi ukuthi sigqoke imvunulo yesintu ngolwesihlanu maviki wonke, ngendlela yokulondoloza amasiko.
Kungxoxo ayiqhube leStudio 7, uMnu. Khumalo uthi ukhuthaza njalo abantu ukuthi bekhulume ngendimi ezitholakala esizweni sikaMthwakazi, kulokuthatheka ngolimi lwesiShona, okungabangela ukuthi ezabo indimi zeyiswe.
Asizweni ingxoxo ayiqhube loSithandekile Mhlanga weStudio 7.
USithandekile uphinde waxoxa loMnu. Thembelani Dube, isiphathamandla senhlanganiso elwela ilungelo lezakhamizi, eyeBulawayo Progressive Residents Association, yena othi bayakwamukela lokhu njengabahlali bakoBulawayo.
Indimi ezitholakala kusizwe sikaMthwakazi njalo ezikusisekelo sombuso selizwe zigoqela isiNdebele, isixXosa, isiVenda, isiSotho, isiTonga, isikhalanga, isiNambya, lesiVenda.
Asizweni imbongi uMthulisi Moyo, egcizelela amazwi kaMnu. Khumalo, ngendimi ezehlukeneyo ezitholakala koMthwakazi.