amalinks wokungena

Breaking News

Umongameli Mnangagwa Uzakwamukela Amanye Njalo Amajekiseni eCovid 19 Belokhu Bemadolonzima Abantu Ukuyahlatshwa


Ukhanya engathakazeleli ukuhlatshwa lugogo kwele India.

UMongameli Emmerson Mnangagwa ukhangelelwe ukwemukela omunye njalo umuthi wamajekiseni ecovid 19 othiwa yi sinovac ophiwe eleZimbabwe kungelambadalo.

Eloba enkundleni yokuxhumana eye Twitter, isikhulumeli sikaMongameli, uMnu. George Charamba uthe indizamtshina eyeZimbabwe izafika lomuthi lo namuhla njalo yaphathiswa ukuza lomunye umuthi welizwe elingumakhelwane elingaqanjwanga.

Lokhu kwenzakala inani labafuna ukuhlatshwa lokhu liphansi kakhulu.

Owake waba ngumphathintambo wezempilakahle, uDokotela Henry Madzorera utshele iStudio Seven ukuthi nxa abantu bengaqhubeka bengafuni ukuhlatshwa kuzakuba lodubo lokugcina umuthi lo ngoba ungalutho ukonakala ungahlala isikhathi. cUgatsha lwezempilakahle luthi selokhu lwaqala uhlelo lokuhlaba abantu ijekiseni yecovid 19 kumaviki amathathu adluleyo sokuhlatshwe abazinkulungwane ezintathu, 34 051.

Amajekiseni afika namuhla ngawokuhlaba abantu abazinkulungwane ezingamakhulu angamatshumi amathathu, 300 000 kodwa wona abuya ezinkulungwane ezingamakhulu ayisithupha, 60 000, ngoba umuntu munye uhlatshwa kabili.

Facebook Forum

XS
SM
MD
LG