amalinks wokungena

Breaking News

Uhulumende Syekethise Njalo Imigoqo ye"Lockdown"


Amapholisa.

Uhulumende useyekethise njalo iziqondiso zokwenqabela ukumemetheka kwegcikwane lecoronavirus ngokuvumela amakhefa ukuthi avule ngokugcweleyo avumele abantu badle bephakathi lokuvumela njalo imidlalo yonke efana lowenguqu ukuthi iqalise.

Esazisa ngesinqumo lesi izolo ntambama, umphathintambo obona ngokwethulwa kwemibiko uNkosikazi monica Mutsvangwa uthe amakhefa avunyelwa ukuhlalisa abantu abayisilingaliso sokungamatshumi amahlalu ekhulwini, 50 percent kuphela njalo alandele zonke indlela ezibekwe yiWorld Health Organization ukuvikela lumkhuhlane.

Uthe abemidlalo labo kumele bathathe amanyathelo afanayo. UMutsvangwa wazise njalo uhulumende uzakhulula izibotshwa ezagwetshelwa amacala amancane esezizaqeda ukupika ukuze kuphungulwe abantu emejele emizameni yokwenqabela iCovid-19.

Kodwa abadala amacala afana lawokubulala, ukudlwengula, udlakela, ukuntshontsha izifuyo lokubamba inkunzi abasoze bakhululwe.

Inyathelo leli liza ngesikhathi uhulumende esithi sezaqala ukuhlala ababalisi, abafundisi Kanye labasebenza emithethwandaba amajekiseni okuvikela i-coronavirus ngemva kokwamukela amanye njalo amajekiseni avele kweleChina izolo.

Sibuze uMfundisi Useni Sibanda ukuthi bakwamukela njani lokhu njengabakhokheli bamasonto.

please wait

No media source currently available

0:00 0:02:16 0:00


Facebook Forum

XS
SM
MD
LG