Osomabhizimusi bakoBulawayo bathi sebedlela evalweni ngenxa yobugebengu osobubhahile kulelidolobho obugoqela obamasela agqekeza ehlome ngemibhobho kanye labamba inkunzi.
Manengi amabhizimusi asentshontshelwe kumaviki ambalwa edluleyo agoqela amagalaji amabili angenelwe yizigebengu ezazihlomile ebusuku zakhombela izisebenzi ngembobho zathatha inkulungwane zamadola eMelika.
NgoMvulo khona kulabanye abagqekeze ehofinisi yenkampani esetshenziswa ngabanengi ukuthumeza lokwamukela imali eyeMukuru koBulawayo bantshontsha iUS$17,000 kanye leR100,000.
Isikhulumeli samapholisa uMnu Paul Nyathi uyakuvuma ukuthi izehlakalo zokuntshontsha kwezigebengu ezihlomileyo sezandile elizweni.
UNtungamili Nkomo weStudio 7 uxoxe losomabhizimusi wakoBulawayo uMnu Abednico Bhebhe.
