amalinks wokungena

Breaking News

Bayakhala Osamabhizimusi Ngokukhwela Kwentengo Yamafutha Ezimota


Amafutha ezimota.

Ukukhwezwa kwentengo yamafutha ezimoto izolo kuzabangela ukukhuphuka kwentengo yemaphahla lokudla ezitolo kucobodise amabhizimisi abesevele ecuba ngenxa yokuvalwa kwelizwe phansi kwemigoqo yokuvimba igcikwane le coronavirus.

Ingcwethi zenotho zisola umkhuba kahulumende weZimbabwe othi engakhweza intengo yamafutha la ingazayehliswa njengalokho okwenziwa ngamanye amazwe.

Enye yalezingcwehi nguMnu. Masimba Kuchera. Ke sizwe imbono yakhe ngaloludaba.

Umkhokheli wenhlanganiso yabaphila ngokuthengisa ezitaladeni eye Bulawayo Vendors and Traders’ Association, uMnu. Michael Ndiweni uthi lokhu kuzakwenza impilo ibenzima ngoba uzulu ubesalokhu engakabi kusimo esihle selokhu ilizwe lavulwa kumaviki ambalwa asanda kwedlula.

Usomabhizimusi, njalo engumgcinisihlalo wenhlanganiso yabezimota eye Motor Traders’ Association, uthi ukukhwezwa kwentengo yamafutha yindlela kahulumend yokudinga imali.

Ugatsha lwezamandla atshiyeneyo, eye ZERA, yazise izolo ukuba intengo yamafutha ezimota izakhwela ilitha linye ele petulo ledlulo kancane idola elilodwa leMelika, $1.34 kumbe amadola eZimbabwe adlula kakhulu ikhulu, $112.96 kuthi ilitha linye lamafutha edizili lizehlukana ngamasenti amabili lepetulo, $1.32.

Intengo le yiyo ephezulu kulamazwe wonke esigaba se SADC.

Facebook Forum

XS
SM
MD
LG