amalinks wokungena

Breaking News

Abantwana Besikolo seSigodini Babanjwa Igcikwane leCoronavirus


Abantwana besikolo

Sokusesatshelwa ukuthi igcikwane lecoroanvirus lilakho ukumemetheka ezikolo kulandela imbiko ethi bafundi abedlula amatshumi amahlanu (53) ezikolo ezimbili zeSacred Heart, ese Secondary lese Primary, Esigodini eZansi yemaNdebeleni sebebanjwe igciwane leCoronavirus.

Inengi labafundi laba ngabesikolo seSacred Heart High kuthi ababili bafunda esikolo seSacred Heart Primary kanye lezisebenzi zalezizikolo ezimbili.

Obona ngokukhitshwa kwembiko kugatsha lukahulumende uMnu Taungana Ndoro utshele umsakazo weStudio 7 ukuthi lezizikolo okwamanje zivaliwe okwequarantine najlao abezempilakahle bakhonale.

“The school is curently under quarantine and the Standard Operating Procedures have kicked in with the assistance of cause of the Ministry of Health and Childcare,” kutsho uNdoro.

Okwamanje lesisikolo sivaliwe ukuze leligciwane lingamemetheki, senza konke okumelwe kwenziwe sincediswa nagbezempilakahle.

Lanxa kulamaviki amathathu izikolo zivuliwe inengi selilokwesaba ukuthi izikolo zingadala ukumemetheka kwaleligciwane ngamandla ngoba inengi labafundi lingalandeli iziqondiso zokuvikela ukumemetheka kwaleligciwane ezikolo.

UMnu Urgent Moyo umqondisi wenhlanganiso yababalisi eye Progressive Teachers Union of Zimbabwe PTUZ eZansi yemaNdebeleni uthi uhulumende uvule izikolo lanxa bekusobala ukuthi bezingakalungeli ukuvulwa.

“Sesikhulume kabanzi ukuthi izikolo zingakavulwa abafundi lababalisi kumele bayehlolwa umbhuqazwe lowu manje uhulumende lowu kalaleli njalo sizathola amacases amanengi nxa elokhu engalaleli,” kutsho uMoyo.

Amazwi akhe asekelwe nguMnu Thandeko Zinti Mnkandla oyisakhamuzi seGwanda njalo owake waba ngumbalisi othi inengi leziqondiso zokuvikela ukumemetheka kwaleligciwane kazilandelwa ezikolo.

“Kanti njalo ababalisi balakho yini okokuvikela abantwana labo bazivikela emkhuhlaneni lo , angithi ngabe kulendlela zokuthi yonke umntwana nxa efika izikolo zivulwa ahlolwe sibili okuqondileyo , khona kuzavuka okunengi , uhulumende wenza amawala engafakanga okokuvikela ezikolo engafakanga indlela zokuthi baphephe,” kutsho uMkandla.

Umqondisi wogatsha lwezempilakahle eZansi yemaNdebeleni uNkosikazi Rudo Chikodzore kaphendulanga imbuzo isimthumele yona ngaloludaba.

please wait

No media source currently available

0:00 0:02:34 0:00


Facebook Forum

XS
SM
MD
LG