Kulomunye njalo onsundu osebulewe ngamapholisa edolobheni le minnesota duze lalapho okwabulawa omunye njalo onsundu, ugeorge floyd.
Odutshiliweyo uthiwa ngu Daunte Wright, oleminyaka engamatshumi amabili okuzalwa ukhanya emfanekisweni wevideo ethathwa ngamapholisa ezama ukubaleka wasdutshulwa ngumpholisa wesifazane ozwakala esithi uphambanisile ubefuna ukusebenzisa isigxingi esingabulaliyo esomisa imithatmbo nje esithiwa yi taser.
Kodwa kungakhathalekile lokuthi udutshulwe njani uWright kuqhamuke udlakela abatshengiselayo sebetshayana lamapholisa.
Kusenjalo, ukuthoniswa kwepholisa, uDereck Chauvin owetheswa icala lokubulala u Foyd, kuqhubeke izolo umnewabo uPhilonise Floyd esipha ubufakazi bokuthi umfowabo wayengumuntu onjani.
Sixoxe lesizalwane sezimbabwe esihlala ngapha kweleMelika, uMnu. Raphael Mthombeni saqala ngokumbuza ukuthi uthini ngokubulawa komunye njalo onsundu ngamapholisa?
