Inhlanganiso ebona ngokuhambahamba kwabantu emazweni omhlaba eyeInternational Organization for Migration (IOM) ithi kulezizalwane zeZimbabwe ezedlula inkulungwane ezingamakhulu amabili, 200,000 ebezisebenza kwamanye amazwe eseziphendukile elizweni ngemva kokulahlekelwa yimisebenzi ngenxa yomkhuhlane weCovid-19.
Kumbiko ewethule izolo, inhlanganiso le ithe ukudingisisa ekwenzileyo kuveze ukuthi abanye babantu laba bebengaselandawo zokuhlala ngemva kanti abanye besebesifa ngendlala.
Ngokunjalo, iIOM ithi kumele abantu laba baphathiswe ngenhlelo zokuziphilisa. Nxa kungenziwanga lokho, ithi abanye bengacina sebephatheka kundlela zokuziphilisa ezingekho emthethweni.
Sixoxe lolwela amalungelo oluntu njalo engowenhlanganiso yeIbhetshu likaZulu uMnu Mbuso Fuzwayo.
