amalinks wokungena

Breaking News

Umthethwandaba Ulahla Icala Elalisetheswa Intatheli uHopewell Chin'ono


Intathelizindaba uHopewell Chin'ono. (Umfanekiso: Columbus Mavhunga/VOA)

Idale le High Court selilahlele khatshana icala elalisetheswa intathelizindaba, uHopewell Chin’ono elokusakaza amanga. Umahluli uJester Charehwa uthe idale likamantshi elahlulela loludaba laphosisa ngoba umthetho owasetshenziswayo awusekho kusisekelo sombuso welizwe othiwa Criminal Law (Codification and Reform Act).

UChin’ono wayesetheswa icala lokusakaza amanga ngokuloba enkundleni ye Twitter ukuthi kulepholisa elatshaya usane olwalubelethwe ngunina lwafa.

UChin’ono wavalelwa okwamalanga angamatshumi amabili encitshwa ithuba lokuhlawula imali yesibambiso.

Kolunye udaba lwezemthethwandaba umkhokheli wabasakhulayo kubandla leMDC Allaiance, uMnu. Obey Sithole obotshwe ngoMvulo esetheswa icala lokubangela ubudlwangudlwangu, iCriminal Nuisence umiswe emthethwandaba namuhla.

Lokhu sikudaba lwemthethwandaba, ilunga lebandla lePDP, uMnu. Benjamin Rukanda ubesemthethwandaba namuhla ngodaba lokususa edale lephalamende amalunga ebandla leMDC Alliance ayekubandla lePDP, ababalisa umsekeli kamongameli, uMnu. Tendai Biti labanye.

please wait

No media source currently available

0:00 0:03:02 0:00


Umthethwandaba wafaka eceleni isinqumo esasithethwe esokuxotsha amalunga la edale ngoba uRukanda wathiwa wayengasonobhala jikelele walelobandla.

Kodwa yena usephenduke emthethwandaba esithi ulobufakazi bokuthi nguye unobhala we PDP oqotho.

Sixoxe lolwela ilungelo likazulu, uMnu. Edwin Ndlovu saqala ngokumbuza ukuthi imthethwandaba ibe isipha izinqumo ezitshiyeneyo kutshengisani?

Facebook Forum

XS
SM
MD
LG